#លោកឧត្តមសេនីយ៍ទោ សម សាមួន អញ្ជើញចុះពិនិត្យដំណើរការសាងសង់អគារស្នាក់ការបណ្តោះអាសន្ននៃប៉ុស្តិ៍នគរបាលរដ្ឋបាល យាយម៉ៅពេជ្រនិល
#ស្នងការដ្ឋាននគរបាលខេត្តកំពង់ស្ពឺ
កំពង់ស្ពឺ ៖ នាព្រឹកថៃ្ងព្រហស្បតិ៍ ទី១៩ ខែឧសភា ឆ្នាំ២០២២ លោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ រួមដំណើរដោយលោកស្នងការរង នគរបាលខេត្ត បានអញ្ជើញចុះពិនិត្យទីតាំងប៉ុស្ដិ៍បណ្ដោះអាសន្ន ឃុំយាយម៉ៅពេជ្រនិល ស្ថិតនៅចំណុចភូមិចំការចេក ឃុំយាយម៉ៅពេជ្រនិល ស្រុកភ្នំស្រួច ចន្លោះបង្គោលគីឡូម៉ែត្រលេខ៩៣-៩៤ បត់ចុះពីផ្លូវជាតិលេខ៤ ប្រមាណ ៥០០ម៉ែត្រ ទល់មុខសាលាបឋមសិក្សាចំការចេក ។
ក្នុងឱកាសចុះពិនិត្យដំណើរការសាងសង់អគារប៉ុស្តិ៍នគរបាលរដ្ឋបាល យាយម៉ៅពេជ្រនិល លោកស្នងការ បានណែនាំនិងចង្អុលបង្ហាញអំពីការរៀបចំជាទីស្នាក់ការសម្រាប់ការធ្វើការអោយមានលក្ខណៈគត់មត់ល្អក្នុងការទុកដាក់រាល់ឯកសារសំខាន់ៗ ដែលមន្ដ្រីនគរបាលប៉ុស្ដិ៍គួរតែរក្សាឲ្យបានល្អ ចៀសវាងការរក្សាមិនបានល្អនាំឲ្យបាត់បង់ដោយប្រការចៃដន្យផ្សេងៗ ទន្ទឹមនឹងនោះលោកឧត្ដមសេនីយ៍បានឧបត្ថម្ភជាថវិកាជូនដល់លោកនាយប៉ុស្ដិ៍ដើម្បីយកទៅបន្ដកសាង និងសន្យាផ្ដល់នូវសម្ភារៈបន្ថែមទៀតដើម្បីអោយការសាងសង់នេះបានរួចរាល់១០០%មុនដំណាក់កាលនៃការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ ដែលនិងប្រព្រឹត្ដទៅនាថៃ្ងទី០៥ ខែមិថុនា ឆ្នាំ២០២២នេះ ៕ ប្រភព៖ ការិយាល័យ
