ដោយអនុវត្តតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងយោងស្មារតីអង្គប្រជុំគណៈបញ្ជាការឯកភាពរដ្ឋបាលរាជធានីភ្នំពេញ….
ដោយអនុវត្តតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងយោងស្មារតីអង្គប្រជុំគណៈបញ្ជាការឯកភាពរដ្ឋបាលរាជធានីភ្នំពេញ….
នៅយប់ថ្ងៃសៅរ៍ ៧រោច ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងទី១៧ ខែកញ្ញា ឆ្នាំ២០២២ កម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក ជា ខេមា អភិបាល នៃគណ:អភិបាលខណ្ឌដូនពេញ, លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ និងលោកវរសេនីយ៍ឯក ថោង ពិសិដ្ឋ មេបញ្ចាការកងរាជវុធហ្ថតខណ្ឌដូនពេញ បានចុះទីតាំងសង្ស័យលបលួចលេងល្បែងស៉ីសងខុសច្បាប់ និងហាងកុងស៉ីបញ្ចាំខុសច្បាប់ ក្នុងមូលដ្ឋានខណ្ឌដូនពេញ ឃើញថាមិនមានការលបលួចបើកឡើយ និងបានចុះបង្ក្រាបជាក់ស្តែងល្បែងសុីសង (ឆ្នោតកន្ទុយលេខវៀតណាម) នៅចំណុចតូបគ្មានផ្លូវលេខ៥ ភូមិ៦ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ដោយបានឃាត់ខ្លួនអ្នកកត់ឆ្នោតចំនួន០១នាក់ ឈ្មោះ ម៉ៅ វិរ: ភេទប្រុស អាយុ ៣១ឆ្នំា ជនជាតិខ្មែរ ស្នាក់នៅតូបជួលគ្មានលេខ ផ្លូវលេខ៥ ភូមិ៦សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ នឹងដកហូតបានវត្ថុតាងមួយចំនួនរួមមាន៖ ក្តាខៀនចំនួន ០១ ក្រដាសកត់ឆ្នោតនឹងក្រដាសគិតលុយ តុចំនួន០២ កៅអីចំនួន១០ កង្ហាចំនួន០១គ្រឿង ម៉ាសុីន ចំនួន០១គ្រឿងតូច ត្រាចុះថ្ងៃខែ ចំនួន០១ នឹងលុយចំនួន ៣៦៧០០០៛(សាមសិបប្រាំមួយមុឺនប្រាំពីរពាន់គត់)
ក្រោយធ្វើកំណត់ហេតុរួចទីតាំងត្រូវបានបិទ៕
